Los-Ancelesdə irimiqyaslı meşə yanğınları ilə bağlı təxliyə elan olunub
Vaşinqton, 16 yanvar, AZƏRTAC
Los-Ancelesdəki Tauzend-Oyks şəhərində irimiqyaslı meşə yanğınları başlanıb.
AZƏRTAC xəbər verir ki, “Erbes Fire” adlandırılan yanğın 120 hektardan artıq ərazini məhv edib. Hakimiyyət orqanları bildiriblər ki, külək alovu şimal-şərqdən evlərə tərəf yönləndirdiyindən yanğın yaşayış tikililərinə çatıb.
Ventura dairəsinin yanğından mühafizə departamentinin nümayəndəsi Skott Tompson bildirib ki, departament yanğınla mübarizəyə 10 yanğınsöndürən maşın, 2 buldozer və 1 helikopter cəlb edib. Bundan başqa, Los-Anceles dairəsinin yanğınsöndürmə xidməti dairədə xilasedicilərə yardım göstərilməsi üçün 5 yanğınsöndürmə maşınından ibarət qrup göndərib.
AZƏRTAC-ın Vaşinqton bürosu
Bölmənin digər xəbərləri
