Maarifləndirici aksiyalar ekoloji problemlərin tədricən aradan qalxmasına kömək edə bilər
Bakı, 4 sentyabr, AZƏRTAC
Ekologiya və Təbii Sərvətlər Nazirliyi (ETSN) Ağdaş rayonunun Gülbəndi kəndində azyaşlıların yaşıllıqların mühafizəsinə, ağacların kəsilməməsinə, ətraf mühitin qorunmasına və təmiz saxlanılmasına yönələn sosial aksiyasını təqdir edir.
Nazirliyin mətbuat xidmətindən AZƏRTAC-a bildiriblər ki, böyük ictimai maraqla qarşılanan belə maarifləndirici və örnək olan aksiyalar hər bir şəhərdə, rayonda və kənddə keçirilərsə, ekoloji problemlər tədricən aradan qalxar.
Nazirlik hər bir vətəndaşın təbiətin qorunmasına və yaşıllıqların mühafizəsinə yönələn təşəbbüsünü dəstəkləyir. ETSN belə aksiyaların keçirilməsində bütün tərəfdaşlara hər cür köməkliyini təklif edir.
Bölmənin digər xəbərləri
