DÜNYA
Macarıstanın velosiped şəbəkəsi genişlənməkdə davam edir
![Macarıstanın velosiped şəbəkəsi genişlənməkdə davam edir](/files/2023/1/1200x630/16826993682718919501_1200x630.jpg)
Budapeşt, 28 aprel, AZƏRTAC
Macarıstanın Zala vilayətinin şəhərlərini bundan sonra yeni velosiped yolu birləşdirəcək. Dairə bələdiyyəsinin tikdiyi yol ərazilərin inkişafı üzrə operativ proqramın vəsaiti hesabınadır.
AZƏRTAC xəbər verir ki, bu layihə daha əvvəl həmin rayonda başlanan velosiped yolunun inkişafını davam etdirir. Yerli özünüidarəetmə orqanının məlumatına görə, Kerkateşkand (Kerkateskánd, Budapeştdən 250 kilometr cənub-qərbə), Lovasi (Lovászi, 255 kilometr cənub-qərbə) və Tornisentmikloş (250 kilometr cənub-qərbə) arasında 3,1 kilometrlik asfaltlanmış velosiped yolu layihədə inşa üçün ayrılan 200 gün ərzində tikiləcək, bu işlərə 434 milyon forintdən yuxarı vəsait sərf olunacaq.
Bu tikinti artıq inşa olunmuş 10,3 kilometrdən çox velosiped yollarının davamıdır.
AZƏRTAC-ın xüsusi müxbiri
Budapeşt