Maka Boçorişvili: Makkeyn İnstitutu Gürcüstanın maraqlarına zidd fəaliyyət göstərir
Tbilisi, 8 yanvar, AZƏRTAC
“Makkeyn İnstitutunun Gürcüstanda fəaliyyətini, Gürcüstanın maraqlarına qarşı nələr etdiyini görmüşük. Bu institutun müxalifət və qondarma qurumların nümayəndələri, vətəndaş cəmiyyəti təşkilatları ilə yanaşı, son dövrdə Gürcüstanın maraqlarına qarşı nə qədər pis işlər gördüyünü açıq-aydın gördük”.
AZƏRTAC xəbər verir ki, bu sözləri Gürcüstanın xarici işlər naziri Maka Boçorişvili mətbuata açıqlamasında söyləyib.
Keçmiş prezident Salome Zurabişviliyə Makkeyn İnstitutu tərəfindən təqaüd təyin edilməsinə münasibət bildirən nazir deyib: “Biz Salome Zurabişvilinin bu proseslərdə iştirakını və rolunu da gördük. Biz onun prezident mövqeyindən Gürcüstanın maraqlarına qarşı necə istifadə etdiyini də gördük. Bəlkə də Makkeyn İnstitutunun Gürcüstana münasibətdə istədiyi də budur. Salome Zurabişvilinin təqaüdlə təltif edilməsi isə bunun mükafatıdır”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
