Maldivdən olan nümayəndə: WUF13 mütəxəssislərin cəlb olunması üçün yaxşı platformadır
Bakı, 17 may, AZƏRTAC
Maldiv kiçik bir ölkədir və əhalisi bir çox fərqli adalara səpələnmiş olduğundan, mənzil təminatı, xüsusən də gələcək üçün davamlı və dayanıqlı mənzilə çıxışı təmin etmək bizim üçün böyük bir problemdir.
Bunu Ümumdünya Şəhərsalma Forumunun 13-cü Sessiyası (WUF13) çərçivəsində AZƏRTAC-a müsahibəsində Maldiv Respublikasının İnfrastruktur, Mənzil və Şəhərsalma Nazirliyinin planlaşdırma üzrə məsləhətçisi Fatimə Şanna deyib.
“Maldivdə torpaq çatışmazlığı kimi problemlərimiz var, amma illərdir günəş enerjisi variantlarını da araşdırırıq. Ətraf Mühit Nazirliyinin donor təşkilatlarından maliyyələşdirilən və yerli dövlət müəssisələri ilə əlaqəli layihələri var”, - deyə o vurğulayıb.
Fatimə Şanna WUF13-ün mütəxəssislərin cəlb olunması və müxtəlif şəhərlərin, icmaların müvafiq çətinliklərlə necə mübarizə apardığını öyrənmək üçün yaxşı bir platforma olduğunu vurğulayıb.
Bölmənin digər xəbərləri
