Marko Rubio: Avropada ABŞ qoşunlarının rotasiyası davam edəcək
Bakı, 22 may, AZƏRTAC
ABŞ Silahlı Qüvvələrinin Avropada rotasiyası davam edəcək, qoşunların yerdəyişməsi region ölkələri üçün cəza xarakteri daşımır.
AZƏRTAC xəbər verir ki, ABŞ Dövlət katibi Marko Rubio bunu NATO xarici işlər nazirlərinin görüşünün keçiriləcəyi Helsinqborqda deyib. Dövlət katibi NATO müttəfiqləri arasında bəzi fikir ayrılıqlarının mövcud olduğunu, lakin bunun liderlər səviyyəsində müzakirə ediləcəyini bildirib. Onun sözlərinə görə, ABŞ ordusunun yerləşdirməsi qlobal öhdəliklərə əsaslanır və daim yenidən qiymətləndirilir.
Marko Rubio bu addımların cəza deyil, əməkdaşlıq çərçivəsində davam edən normal proses olduğunu və əvvəllər də həyata keçirildiyini vurğulayıb. O, həmçinin əlavə edib ki, qərarlar bütün tərəflər üçün faydalı olmalı və ortaq anlayışa əsaslanmalıdır.
Bölmənin digər xəbərləri
