MASALLIDA BEYNƏLXALQ SÜLH GÜNÜNƏ HƏSR OLUNMUŞ TƏDBİR KEÇİRİLMİŞDİR
AZƏRTAC xəbər verir ki, sentyabrın 2-də Masallı Rayon Mədəniyyət Evində Azərbaycan Respublikasının İnsan Hüquqları üzrə Müvəkkili (Ombudsman) Aparatının təşkilatçılığı ilə 21 sentyabr-Beynəlxalq Sülh Gününə həsr olunmuş tədbir keçirilmişdir.
Toplantıda Ombudsman Aparatının məsul işçisi Rəşad Səmədov çıxış edərək ölkəmizdə vətəndaş hüquq və azadlıqlarının təmin edilməsi sahəsində həyata keçirilən tədbirlərdən danışmış, Azərbaycan Respublikası Prezidentinin 2006-cı il 28 dekabr tarixli Sərəncamı ilə təsdiq edilmiş «Azərbaycan Respublikasında insan hüquqlarının müdafiəsi üzrə Milli Fəaliyyət Planı»nda nəzərdə tutulmuş tədbirlərin icrası istiqamətində görülmüş işlər barədə iştirakçılara məlumat vermişdir.
Tədbirin sonunda Ermənistanın Azərbaycana təcavüzünün 20 illiyi ilə əlaqədar beynəlxalq təşkilatlara müraciət qəbul edilmişdir.
Bölmənin digər xəbərləri
