MASALLIDA HEYVAN XƏSTƏLİYİNİN QARŞISI ALINMIŞDIR
Dövlət Baytarlıq Xidmətinin mətbuat mərkəzindən AZƏRTAC-a bildirmişlər ki, qurum Masallı rayonunun Təklə kəndində davarların tələf olması barədə bəzi kütləvi informasiya vasitələrində yayılmış məlumatla əlaqədar öz mütəxəssislərini həmin bölgəyə ezam etmişdir. Təsərrüfatlarda ölmüş heyvanlardan götürülən nümunələr laboratoriyada müayinə edilmişdir. Müayinənin nəticələrinə görə, davarlar pnevmoniyadan (ağciyər iltihabı xəstəliyi) tələf olmuşlar. Təsərrüfatlarda profilaktiki işlər görülmüş, xəstəliyin qarşısı alınmışdır.
Bölmənin digər xəbərləri
