MAYDA MANATIN BİRJA MƏZƏNNƏSİ 0,48 FAİZ MÖHKƏMLƏNMİŞDİR
Valyuta birja bazarının aparıcı bankları sırasına bağladıqları əqdlərin payına görə “Bank of Baku”, “Texnikabank”, “UniBank” , “Rabitəbank” və “Azəriqazbank” daxil olmuşdur.
Birjanın informasiya-təhlil şöbəsindən AZƏRTAC-ın müxbirinə bildirmişlər ki, BBVB-nin valyuta bölməsinin hərraclarında cəmi 21 bank iştirak etmişdir. Hesabat ayında Elektron Hərracları Birja Sistemində (EHBS) 42 hərrac sessiyası keçirilmiş və 67 əqd qeydə alınmışdır. ABŞ dolları üzrə hərracların həcmi dekabrda 29 milyon 828 min manat, yaxud 33,094 milyon dollar təşkil etmişdir. Avro üzrə əqdlərin həcmi 45,824 min manat olmuşdur. Valyuta bölməsində hərracların həcmi aprel ayı ilə müqayisədə 58 milyon manat və ya 63,67 faiz azalmışdır. Ötən ilin may ayına nisbətən xarici valyuta ilə birja ticarəti 24,2 faiz artmışdır.
Milli valyutanın birja məzənnəsi hesabat ayında 0,48 faiz – 1 USD üçün 0,9028 manatdan 0,8985 manata düşmüşdür. Nəticədə manatın ABŞ dollarına nisbətdə məzənnəsi apreldə 1 USD üçün 0,9061 manat olduğu halda, mayda 0,9013 manat təşkil etmişdir. Bütövlükdə ötən il ABŞ dollarına nisbətdə milli valyutanın birja məzənnəsi 5,68 faiz möhkəmlənmişdir.
Bölmənin digər xəbərləri
