MDB PARLAMENTLƏRARASI ASSAMBLEYASI VƏ QƏRBİ AVROPA BİRLİYİ ASSAMBLEYASI ƏMƏKDAŞLIQ HAQQINDA SAZİŞ İMZALAMIŞLAR
AZƏRTAC-ın Sankt-Peterburqdan aldığı xəbərdə deyilir ki, aprelin 17-də burada MDB-nin iştirakçısı olan dövlətlərin Parlamentlərarası Assambleyası və Qərbi Avropa Birliyi Assambleyası – Avropanın müdafiəsi və təhlükəsizliyi Parlamentlərarası Assambleyası (ABA) əməkdaşlıq haqqında saziş bağlamışlar. Sənədi MDB PA Şurasının sədri Sergey Mironov və ABA-nın sədri Arman de Dekker imzalamışlar.
Təşkilatlar ümumi iclasların gündəlikləri, sənədlər mübadiləsi və tərəflərin nümayəndələrini bu görüşlərə dəvət etmək barədə razılığa gəlmişlər. Hər iki assambleyanın nümayəndə heyətlərinin birgə iclaslarını, habelə qarşılıqlı maraq doğuran məsələlərə dair məsləhətləşmələr və fikir mübadiləsi aparılması üçün rəhbərlərin konfranslarını, seminarlarını, görüşlərini keçirməyin mümkünlüyü də nəzərdə tutulur.
Bölmənin digər xəbərləri
