MƏCBURİ KÖÇKÜN AİLƏLƏRİNƏ ƏRZAQ YARDIMI GÖSTƏRİLMİŞDİR
AZƏRTAC xəbər verir ki, Nazirlər Kabineti yanında Daşınmaz Əmlakın Dövlət Reyestri Xidmətinin nümayəndələri Dünya Azərbaycanlılarının Həmrəyliyi Günü və Yeni il bayramı ilə əlaqədar Beyləqan rayonunda məskunlaşmış məcburi köçkün ailələrinə 20 milyon manat həcmində ərzaq yardımı aparmışlar.
Bu münasibətlə keçirilən görüşdə Xidmətin nümayəndələri əlamətdar bayramlar münasibətilə iştirakçıları təbrik etmiş və bildirmişlər ki, onların təmsil etdikləri qurum belə yardımları gələcəkdə də həyata keçirəcəkdir.
Məcburi köçkünlər onlara göstərilən diqqət və qayğıya görə Prezident İlham Əliyevə dərin minnətdarlıqlarını bildirmişlər.
