Mədəniyyət Nazirliyinin nümayəndəsi: Gənclərdə innovativ və kreativ yanaşma tərzini formalaşdırmaq istəyirik
Şuşa, 2 dekabr, AZƏRTAC
“Gənclər Paytaxtı” olan Şuşa şəhərində olmaq qürurverici məqamdır. Mədəniyyət Nazirliyi olaraq, biz də burada öz tədbirlərimizi keçiririk".
AZƏRTAC xəbər verir ki, bu sözləri Mədəniyyət Nazirliyinin yaradıcı sənayelər və rəqəmsal inkişaf şöbəsinin nümayəndəsi Ülviyyə Zeynalova jurnalistlərə açıqlamasında deyib.
Mədəniyyət Nazirliyinin təşkil etdiyi "Yaradıcılıq marafonu" tədbiri barədə danışan qurum nümayəndəsi deyib: "Bu, İslam Əməkdaşlıq ölkələrindən olan müxtəlif istedadlı və yaradıcı gəncləri birləşdirən platformadır. Tədbirin mahiyyəti gənclərin kreativ məhsul yaratmasını dəstəkləmək və kömək etməkdir. Onlarda innovativ və kreativ yanaşma tərzini formalaşdırmaq istəyirik. Gənclər dörd sahə - animasiya, film, moda, dizayn üzrə fərqli məhsullar ərsəyə gətirəcəklər".
Bölmənin digər xəbərləri
