Mehman Məmmədovun rəqibi: Bakıda döyüşmək mənim üçün böyük bir şansdır
Bakı, 2 noyabr, AZƏRTAC
"Bakıda olduğum üçün çox xoşbəxtəm. Bu yarışa dəvət alanda sevincimin həddi-hüdudu yox idi".
AZƏRTAC xəbər verir ki, bu sözləri Azərbaycanın MMA idmançısı Mehman Məmmədovun türkiyəli rəqibi Fərid Göktəpə “Rizin” Döyüş Federasiyasının Bakıda keçiriləcək “Landmark 7” turniri ilə bağlı təşkil olunmuş mətbuat konfransında deyib.
O bildirib ki, Mehman Məmmədovla döyüşməyi yarışın başlamağına iki gün qalmış qəbul edib: "Bu təklif gələn kimi çəkimi salmağa başladım. Mənim üçün riskli qərar oldu. Çünki bu, hər döyüşçünün qəbul edəcəyi bir şey deyil. Xeyli cəsarət tələb edir".
İdmançı Bakıda döyüşməyin onun üçün böyük bir şans olduğunu vurğulayıb: "Rizin çox böyük bir təşkilatdır. Burada yarışacaq idmançıların təcrübəsi çoxdur. Öz rəqibimə isə hörmət edirəm. O, çox iddialı döyüşçüdür. Mən də güclü idmançıyam. Məqsədim rəqibi nakaut etməkdir".
Qeyd edək ki, turnir noyabrın 4-ü start götürəcək.
Bölmənin digər xəbərləri
