Məktəb direktoru: Əkilən ağaclar ölkəmizin ekologiyasının və təbiətinin gözəlləşməsində mühüm rol oynayacaq
Bakı, 6 dekabr, AZƏRTAC
Nəsiminin yubileyi ilə bağlı bu gün əkilən ağaclar ölkəmizin ekologiyasının və təbiətinin gözəlləşməsində mühüm rol oynayacaq.
Bu sözləri AZƏRTAC-a müsahibəsində YAP Abşeron Qadınlar Şurasının üzvü, Görədil kənd 1 nömrəli tam orta məktəbin direktoru Rəmziyyə Heydərova Müşfiqabad qəsəbəsinin ərazisində keçirilən ekoloji aksiya zamanı deyib.
“Bu gün Azərbaycan Respublikasının Birinci vitse-prezidenti Mehriban Əliyevanın təşəbbüsü ilə möhtəşəm aksiya keçirilir. Bizim dahi şairimiz İmadəddin Nəsiminin 650 illiyinə həsr olunan bu aksiyada 650 min ağac əkilir. Bu ağaclar ölkəmizin ekologiyasının, təbiətinin və insanlarımızın mənəvi cəhətdən gözəlləşməsində mühüm rol oynayacaq. Belə bir şəraiti yaratdıqlarına görə ölkə başçısı İlham Əliyev və birinci xanım Mehriban Əliyevaya öz təşəkkürümüzü bildiririk”, - deyə R.Heydərova bildirib.
Bölmənin digər xəbərləri
