“Mersedes” və “Red Bull” Bakı yürüşləri üçün “Ferrari”dən çox “supersoft” seçiblər
Bakı, 7 iyun, AZƏRTAC
“Pirelli” şirkəti iyunun 17-dən 19-dək Bakıda keçiriləcək Avropa Qran-prisində yürüşçülərin seçdiyi şinlər barədə məlumatı elan edib.
AZƏRTAC www.championat.com saytına istinadla xəbər verir ki, “Mersedes” və “Red Bull” nümayəndələri hərəsi 8 dəst, “Ferrari” yürüşçüləri isə 7 dəst “supersoft” şini götürməyi qərara alıblar. Sebastyan Fettel və Kimi Raykkonen 5 dəst, “Red Bull” pilotları və Luis Hemilton 4 dəst, Niko Rosberq isə 3 dəst “soft” ilə kifayətlənib, lakin hərəyə 1 dəst “medium” sifariş vermiş başqa favoritlərdən fərqli olaraq Rosberq bu şinlərdən 2 dəst “medium” sifariş verib. Yürüşçülərin heç biri iki dəstdən çox “medium” götürməyib.
“Zauber” nümayəndəsi Felipe Nasr hamıdan çox - 6 dəst “soft” seçib. Eyni zamanda, Nasr və onun komanda yoldaşı Markus Eriksson hamıdan az - 6 dəst “supersoft” seçib.
Rusiya təmsilçisi Daniil Kvyat, “Red Bull” pilotları və Hemilton ilə eyni seçim edərək hərəyə 1 dəst “medium”, 4 dəst “soft” və 8 dəst “supersoft” götürüblər.
Bölmənin digər xəbərləri
