“Məşğulluq marafonu”na qoşulan sahibkarların sayı artır
Bakı, 4 avqust, AZƏRTAC
Vətən müharibəsi şəhidlərinin ailə üzvlərinin və qazilərin işlə təmin edilməsinə dəstək məqsədilə başladılmış “Məşğulluq marafonu” çərçivəsində Kiçik və Orta Biznesin İnkişafı Agentliyinin (KOBİA) çağırışına qoşulan sahibkarlıq subyektləri 25 nəfəri işlə təmin edib.
KOBİA-dan AZƏRTAC-a bildirilib ki, iş yerləri 15 sahibkarlıq subyektinə məxsus olmaqla ölkənin 9 rayonunu əhatə edir. KOBİA Vətən müharibəsi qazilərinin və şəhid ailələrinin üzvlərinin məşğulluğuna dəstək olan bütün sahibkarlara təşəkkürünü bildirir. Hazırda “Məşğulluq marafonu” çərçivəsində digər sahibkarlıq subyektləri tərəfindən vakant iş yerlərinin müvafiq elektron sistemə daxil edilməsi prosesi davam etdirilir.
Bölmənin digər xəbərləri
