“Məzunların məşğulluq reytinqi” platforması ölkə ictimaiyyətinin istifadəsinə veriləcək
Bakı, 31 oktyabr, AZƏRTAC
“Məzunların məşğulluq reytinqi” platforması yaxın günlərdə bütün ölkə ictimaiyyətinin istifadəsinə veriləcək.
AZƏRTAC xəbər verir ki, bu barədə Dövlət Məşğulluq Agentliyinin İdarə Heyətinin sədri Mustafa Abbasbəyli jurnalistlərə müsahibəsində məlumat verib. M.Abbasbəyli qeyd edib ki, universitetlərdə təhsil almaq istəyən gənclərimiz bu sistem vasitəsilə həm ali təhsil müəssisələrinin əmək bazarında təmsil olunması meyarları ilə tanış olacaq, həm də seçdikləri ixtisaslar üzrə tədrisin daha yaxşı təşkil olunduğu ali məktəblər haqqında müfəssəl məlumatlar əldə edə biləcəklər.
Eyni zamanda, universitetlər öz ixtisaslarının əmək bazarında təmsil olunması ilə bağlı məlumat əldə edə biləcək: hansı ixtisasa əmək bazarında daha çox ehtiyac var, hansı ixtisasa əmək bazarında ehtiyac azdır.
Bütün bunlar universitetlərin əmək bazarının tələbatına uyğun, bacarıqlı mütəxəssislər hazırlamalarına xidmət edəcək.
Bölmənin digər xəbərləri
