Mikrobiologiya İnstitutu: Müsabiqəyə təqdim olunan işlərin qiymətləndirilməsi aparılır
Bakı, 28 aprel, AZƏRTAC
Elm və Təhsil Nazirliyinin Mikrobiologiya İnstitutu tərəfindən “Mikroorqanizmlər uşaqların gözü ilə” mövzusunda III respublika müsabiqəsinə təqdim olunan əl işlərinin qiymətləndirilməsi davam edir. Müsabiqə Ümummilli Lider Heydər Əliyevin anadan olmasının 100 illiyinə həsr olunub.
Bu barədə AZƏRTAC-a institutdan məlumat verilib. Bildirilib ki, məktəblilər arasında böyük marağa səbəb olan müsabiqəyə respublikanın müxtəlif məktəblərindən çoxlu əl işləri təqdim edilib. Hazırda müsabiqəyə təqdim olunan işlərin qiymətləndirilməsi aparılır.
Təqdim olunan işlərin çoxluğunu, eləcə də Mikrobiologiya İnstitutunun yerləşdiyi ərazidə abadlıq işlərinin aparılmasını nəzərə alaraq yekun iclasın mayın 16-da keçirilməsi qərara alınıb. Bölgələrdən müsabiqəyə qatılmaq istəyən şagirdlərin iştirakının mümkünlüyünü nəzərə alaraq institut rəhbərliyi tədbirin hibrid formatda keçirilməsini qərara alıb. Tədbirdə iştirak etmək istəyənlər üçün vaxt və məkan haqqında əlavə məlumat veriləcək.
Bölmənin digər xəbərləri
