“Mikroorqanizmlər uşaqların gözü ilə” müsabiqəsində əl işlərinin qiymətləndirilməsi başa çatıb
Bakı, 12 may, AZƏRTAC
Elm və Təhsil Nazirliyinin Mikrobiologiya İnstitutunda Ümummilli Lider Heydər Əliyevin anadan olmasının 100 illiyinə həsr olunmuş “Mikroorqanizmlər uşaqların gözü ilə” adlı III Respublika müsabiqəsinə təqdim olunan əl işlərinin qiymətləndirilməsi başa çatıb.
Bu barədə AZƏRTAC-a institutdan məlumat verilib. Bildirilib ki, yekun iclas mayın 16-da AMEA-nın əsas binasında keçiriləcək. Respublikanın müxtəlif bölgələrindən qatılmaq istəyən şagirdlərin iştirakını təmin etmək məqsədilə onlar üçün tədbirə onlayn qatılmaq imkanı da yaradılıb. İştirak etmək istəyənlər Mikrobiologiya İnstitutunun saytındakı link vasitəsilə tədbirə qoşula bilər.
Bölmənin digər xəbərləri
