İQTİSADİYYAT
MİLLİ DEPOZİT MƏRKƏZİ ÖTƏN İLKİ FƏALİYYƏTİNƏ YEKUN VURMUŞDUR
Milli Depozit Mərkəzi ötən ilki fəaliyyətinə yekun vurmuşdur. Bu qapalı tipli səhmdar cəmiyyətindən alınmış məlumata görə, səhmdarların ümumi yığıncağında bildirilmişdir ki, 2001-ci ildə qiymətli kağızların girov qoyulmasına dair 12 saziş, dövlət özəlləşdirmə çeklərinin satışına dair iki əqd, dövlət özəlləşdirmə çeklərinin saxlanması üzrə 33 hüquqi şəxslə sazişlər bağlanmışdır. Nominal dəyəri 149 milyard 389 milyon 327 min 500 manat olan 14 milyon 252 min 993 səhmin alqı-satqısına dair 2930 əqd qeydə alınmışdır. On səhmdar cəmiyyəti ilə 58 milyon 129 min 583 min manat məbləğində borclara dair veksellər tərtib edilmişdir. Maliyyə Nazirliyindən 411 milyon ədəd dövlət aksiz markası qəbul olunmuşdur. Qiymətli Kağızlar üzrə Dövlət Komitəsinə tütün məmulatları üçün nəzərdə tutulmuş 264 milyon 433 min 904, alkoqollu içkilər üçün 38 milyon 460 min 622 və pivə üçün 21 milyon 334 min 277 ədəd aksiz markası verilmişdir.