MİLLİ MƏCLİSDƏ GÖRÜŞ

31.10.2006 [18:48]
Çap et
A⁺ A^-

AZƏRTAC xəbər verir ki, Milli Məclisin sədri Oqtay Əsədov oktyabrın 31-də ölkəmizdə səfərdə olan Gürcüstanın xarici işlər naziri Gela Bejuaşvili və onu müşayiət edən nümayəndə heyəti ilə görüşmüşdür. Oqtay Əsədov qonaqları salamladıqdan sonra demişdir ki, Azərbaycanla Gürcüstan arasında əlaqələr həyatın bütün sahələrində inkişaf edir. Ölkələrimiz GUAM çərçivəsində də sıx əməkdaşlıq edirlər. Milli Məclisin sədri bildirmişdir ki, GUAM artıq nüfuzlu beynəlxalq təşkilata çevrilir. Biz gələcəkdə onun daha da genişlənməsi üçün əlimizdən gələni etməliyik.

Sonra Oqtay Əsədov gürcüstanlı həmkarı ilə keçirdiyi görüşləri xatırlatmış və bildirmişdir ki, bu görüşlərdən sonra parlamentlərarası əlaqələrimiz daha da inkişaf etmişdir.

Gürcüstanın xarici işlər naziri Gela Bejuaşvili Azərbaycana hər gəlişində sürətli inkişaf, əsaslı dəyişikliklər müşahidə etdiyini və bundan məmnun olduğunun bildirmişdir. O, Gürcüstan parlamentinin sədri Nino Burcanadzenin salamlarını Oqtay Əsədova çatdırmışdır. Gela Bejuaşvili, ölkələrimiz arasındakı münasibətlərin daha da genişlənməsi barədə Milli Məclis sədrinin fikirləri ilə razılaşdığını bildirmişdir. O qeyd etmişdir ki, GUAM-ın nüfuzu həqiqətən də artmaqdadır. Biz ikitərəfli, eləcə də beynəlxalq təşkilatlarda əlaqələrimizi genişləndirməliyik.

Görüşdə qarşılıqlı maraq doğuran məsələlər ətrafında geniş fikir mübadiləsi aparılmışdır.

MİLLİ MƏCLİSDƏ GÖRÜŞ

MÜƏLLİFLƏ ƏLAQƏ

Bölmənin digər xəbərləri