Minskdə Daimi Səlahiyyətli Nümayəndələrin növbəti iclası olub
Minsk, 17 noyabr, AZƏRTAC
Noyabrın 17-də Belarusun paytaxtında, MDB İcraiyyə Komitəsində Birliyin iştirakçısı olan dövlətlərin Nizamnamə və digər orqanları yanında Daimi Səlahiyyətli Nümayəndələr Şurasının növbəti iclası keçirilib.
Birliyin mənzil-qərargahından AZƏRTAC-a bildirilib ki, səlahiyyətli nümayəndələr MDB Hökumət Başçıları Şurasının (HBŞ) bu il oktyabrın 30-da keçirilmiş iclasının yekunlarını, qəbul edilmiş sənədlərə dair Səlahiyyətli Nümayəndələr Şurasının və İcraiyyə Komitəsinin vəzifələrini müzakirə ediblər.
İclasda MDB Hökumət Başçıları Şurası, Xarici İşlər Nazirləri Şurası, İqtisadi Şura, Səlahiyyətli Nümayəndələr Şurası və MDB İqtisadi Şurası yanında İqtisadi Məsələlər Komissiyasının iclaslarında 2014-2015-ci illərdə sahə əməkdaşlığı orqanlarının fəaliyyəti barədə hesabatlar cədvəlinin yerinə yetirilməsi vəziyyəti müzakirə edilib və 2016-2017-ci illər üçün analoji cədvəl təsdiq edilib. Cədvəldə MDB sahə əməkdaşlığı orqanlarının 13 hesabatını dinləmək nəzərdə tutulur.
Tərəflər Daimi Səlahiyyətli Nümayəndələr Şurasının dekabrda keçiriləcək iclasının gündəliyinin layihəsini bəyəniblər.
Zeynal Ağazadə
AZƏRTAC-ın xüsusi müxbiri
Minsk
Bölmənin digər xəbərləri
