Misir HƏMAS-ın 12 tailandlı və 13 israilli girovu azad etdiyini bildirib
Bakı, 24 noyabr, AZƏRTAC
Misir Qəzza zolağında Fələstinin HƏMAS hərəkatının girovluğunda olan 12 Tailand və 13 İsrail vətəndaşının azad edilməsini təmin edib.
AZƏRTAC xəbər verir ki, bu barədə Misirin dövlət informasiya xidmətinin rəhbəri Diya Rəşvan məlumat verib.
“Misirin intensiv səyləri HƏMAS-ın əlində olan 12 Tailand vətəndaşının, eləcə də 13 israilli uşaq və qadının azad edilməsinə səbəb olub”, - deyə Rəşvan Misir dövlət xəbər xidmətinin saytında bildirib.
Rəşvan əlavə edib ki, Misir hakimiyyəti azad edilmiş girovları sektorla sərhəddə yerləşən Rəfah keçid məntəqəsində qəbul etməyə hazırlaşır. Onun sözlərinə görə, onlar İsrail tərəfinə təhvil veriləcək.
Noyabrın 22-də Fələstinin radikal HƏMAS hərəkatı və İsrail Misir və Qətərin vasitəçiliyi ilə Qəzza zolağında dörd günlük humanitar atəşkəs haqqında razılığa gəliblər. Razılaşma İsrail həbsxanalarından 19 yaşından kiçik 150 qadın və yeniyetmənin azad edilməsi müqabilində, anklavda saxlanılan 19 yaşından kiçik 50 qadın, uşaq və yeniyetmənin azad edilməsini nəzərdə tutur.
Bölmənin digər xəbərləri
