Misir mətbuatı atəşkəsin məqsədli şəkildə Ermənistan tərəfindən pozulması ilə bağlı səfirliyimizin bəyanatını yayıb
Qahirə, 3 aprel, AZƏRTAC
Aprelin 2-nə keçən gecə və gün ərzində bütün cəbhə boyu Azərbaycanın mövqelərinin və yaşayış məntəqələrinin düşmən tərəfindən intensiv atəşə məruz qalması barədə Misirdəki səfirliyimizin bəyanatı bu ölkənin kütləvi informasiya vasitələrində geniş şəkildə yayılıb.
Bəyanatda atəşkəsin məqsədli şəkildə Ermənistan tərəfindən pozulduğu və təcavüzkar dövlətin daha çox itkilər verdiyi bildirilir. Həmçinin BMT Təhlükəsizlik Şurasının qəbul etdiyi qətnamələrin indiyədək yerinə yetirilmədiyi və sülh danışıqlarının Ermənistanın tutduğu qeyri-konstruktiv mövqe səbəbindən heç bir nəticə vermədiyi vurğulanır.
Bəyanatda toqquşmaların Azərbaycanın Kəlbəcər rayonunun Ermənistan tərəfindən işğal olunduğu günə təsadüf etdiyi, erməni silahlı qüvvələrinin bu dəfə atəşkəsi pozmasının sırf təxribat xarakterli olduğu xüsusilə qeyd edilib.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
