Misirdə COVID 19-a yoluxanların sayı 90 min nəfərə çatır
Qahirə, 24 iyul, AZƏRTAC
Misirdə COVID-19-a yoluxanların sayı 90 min nəfərə çatır. AZƏRTAC xəbər verir ki, bu ölkənin Səhiyyə Nazirliyinin son məlumatında indiyədək yeni növ koronavirusa 89 745 nəfərin yoluxduğu, 4400 pasiyentin isə vəfat etdiyi bildirilir. Əlavə edilib ki, iyulun 23-də 667 yeni yoluxma, 41 ölüm faktı qeydə alınıb, habelə 602 pasiyent sağalıb.
Misir Prezidenti Əbdülfəttah əl-Sisinin göstərişi ilə Səhiyyə Nazirliyi Oksford Universitetinə 30 milyon ədəd COVID-19 əleyhinə vaksin sifariş edib. Dövlət başçısı iyulun 23-də keçirdiyi müşavirədə Baş Nazir Mustafa Mədbuliyə bu rəqəmi daha da artırmağı tapşırıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
