Misirdə COVID-19 virusundan ölənlərin sayı 196 nəfərə çatıb
Qahirə, 17 aprel, AZƏRTAC
Aprelin 16-da Misirdə koronavirusdan (COVID-19) həyatını itirənlərin sayı 13 nəfər artaraq 196-ya çatıb. AZƏRTAC xəbər verir ki, bu barədə Misirin Səhiyyə naziri Hala Zayed məlumat verib. O qeyd edib ki, son bir sutkada xəstəliyə 168 nəfər yoluxub. İndiyədək ölkədə 2673 yoluxma halı qeydə alınıb.
Misir Səhiyyə Nazirliyinin məlumatına görə, son sutka ərzində ölkədəki 12 karantin xəstəxanasında 43 koronavirus xəstəsi, o cümlədən üç əcnəbi tam sağalıb. Sağalanların sayı isə 596 nəfərdir.
BMT-nin baş katibi Antonio Quterreş Afrika ölkələrinin liderləri ilə keçirdiyi virtual konfransda Misirdə koronavirus pandemiyasının qarşısının alınması üzrə səyləri, həmçinin görülən iqtisadi tədbirləri yüksək qiymətləndirib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
