Misirdə yeni növ koronavirusa yoluxanların sayı artıb
Qahirə, 18 aprel, AZƏRTAC
Misirdə koronavirusa (COVID-19) yoluxanların sayı daha 171 nəfər artaraq 2844-ə çatıb. AZƏRTAC xəbər verir ki, bu barədə Misirin Səhiyyə naziri Hala Zayed məlumat verib. O qeyd edib ki, son bir sutkada xəstəlikdən 9 nəfər dünyasını dəyişib və koronavirus qurbanlarının ümumi sayı 205-ə çatıb.
Misir Səhiyyə Nazirliyinin məlumatına görə, aprelin 17-də koronavirusdan 15 nəfər sağalıb, indiyədək ölkədəki 12 karantin xəstəxanasında 646 nəfər tam müalicə olunaraq evə buraxılıb.
Misirin Baş Naziri Mustafa Madbuli karantin rejimini pozanların cəzalandırılacağı barədə xəbərdarlıq edib. Onun sözlərinə görə, insanların məsuliyyətsizliyi ucbatından pandemiyanın fəsadları daha ağır ola bilər.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
