Misirin “Əl Əhram” qəzeti Bakıda keçirilən Zəfər paradından yazıb
Qahirə, 11 dekabr, AZƏRTAC
Misirin “Əl Əhram” qəzetində Azərbaycanın Vətən müharibəsində Qələbəsinə həsr olunmuş Zəfər paradı haqqında məqalə dərc edilib.
AZƏRTAC xəbər verir ki, “Ərdoğan böyük Qələbəni bayram etmək üçün Azərbaycana səfər edib” sərlövhəli məqalədə Türkiyə Prezidentinin qardaş ölkə Azərbaycanın şanlı Qələbəsini bayram etmək üçün Bakıya səfər etməsi, Azərbaycan Prezidenti İlham Əliyevlə birlikdə Zəfər paradında iştirak etməsi qeyd olunub.
Məqalədə diqqətə çatdırılıb ki, Zəfər paradında Azərbaycan Ordusunun altı həftəlik müharibədə Ermənistan silahlı qüvvələrindən əldə etdiyi qənimət - hərbi texnika da nümayiş olunub. Vurğulanıb ki, Türkiyə Prezidenti bundan sonra da beynəlxalq platformalarda qardaş Azərbaycanın haqq işini dəstəkləyəcəyini bəyan edib. “Azərbaycanın müharibədə erməni separatçılarına qarşı tarixi Qələbəsi Türkiyənin də Cənubi Qafqazda strateji mövqeyini gücləndirib. Sovet İttifaqının süqutundan sonra əlaqələrini “bir millət, iki dövlət” prinsipi əsasında quran Bakı və Ankaranın qardaşlıq əlaqələri Ərdoğan tərəfindən daha da möhkəmləndirilib”, -deyə məqalədə qeyd olunub.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
