MİSİRİN EYNÜŞ-ŞƏMS UNİVERSİTETİNDƏ AZƏRBAYCAN DİLİ VƏ ƏDƏBİYYATI TƏDRİS OLUNUR
Səfir Yusif Əhməd İbrahim Əl-Şarkavi belə görüşlərin Azərbaycan ilə Misir arasında yüksək səviyyədə olan əlaqələrin daha da inkişafına müsbət təsir göstərdiyini söyləmişdir.
Bakıda olmaqdan məmnunluğunu bildirən professor S.Əhməd 40 ilə yaxın bir müddətdə türk dili və ədəbiyyatı, 1991-ci ildə SSRİ-nin süqutundan sonra digər türk dilləri, o cümlədən Azərbaycan dili ilə bağlı araşdırmalar apardığını diqqətə çatdırmışdır. 1998-ci ildən isə Eynüş-Şəms Universitetinin ədəbiyyat fakültəsində Azərbaycan dili və ədəbiyyatının tədrisinə başlandığını qeyd edən türkoloq, hazırda həmin fakültənin iki magistrinin “Qaçaq Nəbi” dastanı və ustad Şəhriyarın yaradıcılığı ilə bağlı tədqiqat apardığını açıqlamışdır.
S.Əhməd yaxın vaxtlarda Eynüş-Şəms Universitetinin ədəbiyyat fakültəsi tərkibində Azərbaycan dili bölməsinin açılacağını da diqqətə çatdırmışdır.
Tədbirdə çıxış edən Bakı Dövlət Universiteti ilahiyyat fakültəsinin dekanı, AMEA-nın müxbir üzvü, professor Vasim Məmmədəliyev türkoloqun elmi yaradıcılığını yüksək qiymətləndirmiş, belə görüşlərin ölkələrimizin elm adamları arasında əlaqələrin inkişafına töhfə verdiyini vurğulamışdır.
Bölmənin digər xəbərləri
