Misli Premyer Liqasında Azərbaycan derbisi: “Qarabağ” “Neftçi”yə qarşı
Bakı, 1 dekabr, AZƏRTAC
Bu gün Misli Premyer Liqasında XV tura yekun vurulacaq.
AZƏRTAC xəbər verir ki, bağlanış oyununda son çempion “Qarabağ” “Neftçi”nin qonağı olacaq. “Neftçi Arena”da keçiriləcək matç saat 19:00-da başlayacaq. Görüşü FIFA referisi Əliyar Ağayev idarə edəcək.
Rəqiblərindən bir oyun az keçirən “Qarabağ” hazırda turnir cədvəlində 34 xalla ikinci pillədə qərarlaşıb. “Neftçi” isə 13 xalla 7-ci sırada yer alıb.
Qeyd edək ki, turun əvvəlki oyunlarında “Araz-Naxçıvan” “Turan Tovuz”a, “Sabah” “Səbail”ə, “Kəpəz” “Şamaxı”ya 1:0, “Zirə” isə “Sumqayıt”a 4:1 hesabı ilə qalib gəlib.
Bölmənin digər xəbərləri
