MİXAİL MARGELOV: İLHAM ƏLİYEV PARTİYASININ QƏLƏBƏSİ REGİONUN ŞƏKSİZ XEYRİNƏDİR
O, İTAR-TASS-a müsahibəsində demişdir: “Seçkilər təsdiq etdi ki, ölkə əhalisi Cənuba tərəf üz tutmur, əksinə, inkişafın dünyəvi yolunu seçir”. Həm də Asiya və Afrika Xalqlarının Həmrəyliyi və Əməkdaşlığı Cəmiyyəti Şurasının sədri olan senatorun fikrincə, “indi Azərbaycanın radikal islam ideyalarının yayılmasının qarşısına sipər çəkən, bəlkə də, başlıca barrikada olduğunu nəzərə alaraq, bu qələbəni strateji cəhətdən mühüm hesab etmək olar”.
Margelovun sözlərinə görə, seçkilərin necə nəticələnəcəyini əvvəlcədən söyləmək olardı. Nəticələr sorğuların yekunlarından çox da fərqlənmir və iqtidarın əhali tərəfindən dəstəkləndiyinə sübutdur. Seçicilərin səsverməyə nisbətən az gəlməsi də iqtidarın əleyhinə deyil, əksinə, xeyrinədir: adətən, səsvermədə yüksək fəallıq yüksək dərəcədə siyasiləşmiş ölkələrdə və ya totalitar dövlətlərdə olur.
Margelov ümidvar olduğunu bildirmişdir ki, müxalifət seçkilərin nəticələrini tanıyacaq və “öz tərəfdarlarını iğtişaşlar törətməyə təhrik etməyəcəkdir”. O demişdir: “Azərbaycanda seçkilər barəsində ABŞ-ın və Avropa Birliyinin Rusiya ilə eyni mövqe tutduğunu nəzərə alaraq, “müxalifətin bu cür əməlləri ölkə rəhbərliyini deyil, məhz onun özünü hörmətdən salar”.
Bölmənin digər xəbərləri
