Mixail Qusman UNESCO-da jurnalistlərə qarşı ikili standartların yolverilməz olduğunu bildirib
Moskva, 14 dekabr, AZƏRTAC
UNESCO-nun Parisdəki mənzil-qərargahında keçirilən Kommunikasiyanın İnkişafı üzrə Beynəlxalq Proqramının (KİBP) Hökumətlərarası Şurasının 34-cü sessiyasının iştirakçıları Qərb ölkələrinin ikili standartları zorla tətbiq etmək və jurnalist ictimaiyyətini dostlara və düşmənlərə bölmək cəhdləri ilə razılaşmadıqlarını bildiriblər, katiblik bunu nəzərə almalıdır.
AZƏRTAC “TASS”a istinadla xəbər verir ki, bu barədə agentliyin baş direktorunun birinci müavini, KİBP-nin rəyasət heyətinin üzvü Mixail Qusman bildirib.
“Müzakirə göstərdi ki, UNESCO Katibliyi Qlobal Cənub ölkələrinin fikirlərini daha çox nəzərə almalıdır. Venesuela, Misir və Kuba nümayəndə heyətləri Qərb ölkələrinin iştirakçı ölkələrin jurnalist ictimaiyyətini dost və düşmənə bölərək ikili standartları zorla tətbiq etmək cəhdləri ilə razılaşmadıqlarını bildiriblər”, - deyə o, iclasda fasilə zamanı bildirib.
“TASS”ın baş direktorunun birinci müavini əlavə edib ki, bu ölkələr, xüsusən də Venesuela nümayəndəsi debat zamanı səyləri media nümayəndələrinin təhlükəsizliyinin təmin edilməsinə yönəltməyə çağırıb.
“UNESCO-da jurnalistlərlə münasibətdə ikili standartlara yer olmamalıdır”, - deyə Mixail Qusman vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
