Moldova MSK parlament seçkilərinin yekin nəticələrini açıqlayıb
Kişineu, 26 fevral, AZƏRTAC
Moldova Mərkəzi Seçki Komissiyası parlament seçkiləri ilə bağlı daxil olan bütün protokolları sayıb.
AZƏRTAC xəbər verir ki, yekun nəticəyə əsasən, Moldova Respublikası Sosialist Partiyası səslərin 31,15, ACUM seçki bloku 26,84, Moldova Demokratik Partiyası 23,62 və “Şor” siyasi partiyası 8,32 faizini toplayıb. Təkmandatlı dairələrdə səsi daha çox Moldova Demokratik Partiyası, Moldova Respublikası Sosialist Partiyası, ACUM Seçki blokunun namizədləri qazanıblar.
Qeyd edək ki, Moldovada fevralın 24-də keçirilən parlament seçkilərində 1453013 vətəndaş səs verib ki, bu da səsvermə hüququ olan vətəndaşların 49,22 faizidir.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
