MOLDOVADA XIV BEYNƏLXALQ İXTİSASLAŞDIRILMIŞ TİBB SƏRGİSİ KEÇİRİLƏCƏK
AZƏRTAC-ın xüsusi müxbiri xəbər verir ki, sentyabrın 9-da Kişinyovda “Moldexpo” Moldova Sərgi Mərkəzinin mərkəzi pavilyonunda “MoldMedizin & MoldDent” XIV beynəlxalq ixtisaslaşdırılmış sərgisinin rəsmi açılışı olacaqdır.
Dünyanın 16 ölkəsindən tibb mallarının və xidmətlərinin 100-dən yuxarı istehsalçısı və distribüteri sentyabrın 9-12-də tibb sahəsində qabaqcıl texnologiyaları və araşdırmaları, ən müasir dərman preparatlarını, tibb aparatlarını və alətlərini təqdim edəcəklər. Səhiyyə mütəxəssisləri, dövlət qurumlarının, işgüzar dairələrin və ictimaiyyətin nümayəndələri müasir təbabətin təxirəsalınmaz problemlərini müzakirə edəcəklər.
Bölmənin digər xəbərləri
