MONAKODA II ALBERTİN TAXTA ÇIXMASI MÜNASİBƏTİLƏ TƏNTƏNƏLİ MƏRASİM KEÇİRİLƏCƏKDİR
II Albert, əslində, bu ilin iyul ayında, atası III Renyenin vəfatından sonra Monako hökmdarı olmuşdur. O zaman mərasim çox sadə şəraitdə, yalnız ailə üzvlərinin iştirakı ilə keçirilmişdi.
Təntənəli tacqoyma mərasimini etiketə uyğun olaraq, digər ölkələrin dövlət və hökumət başçılarının, kral sülalələri nümayəndələrinin iştirakı ilə Monakonun Milli günündə - noyabrın 19-da keçirmək qərara alınmışdır.
47 yaşlı II Albert anasının – məşhur Hollivud ulduzu Qreys Kellinin vətəni ABŞ-da politologiyanı öyrənmiş, hərbi dəniz qüvvələrində xidmət etmiş, futbolla, demək olar, peşəkar səviyyədə məşğul olmuş, Paris-Dakar rallisində iştirak etmişdir. Subaydır.
200 hektar sahəsi olan Monakonun 32 min nəfərlik əhalisinin yalnız 7,7 mini yerli sakinlərdir. Ölkə iqtisadiyyatının əsasını turizm, oyun biznesi, tikinti sənayesi təşkil edir.
Bölmənin digər xəbərləri
