Moskvada “Xocalıya ədalət!” Beynəlxalq kampaniyası çərçivəsində tədbir keçiriləcəkdir
Moskva, 14 fevral (AZƏRTAC). Fevralın 27-də Moskvada, “AZIMUT Moskow Olympic Hotel”də “Xocalıya ədalət!” Beynəlxalq kampaniyası çərçivəsində tədbir keçiriləcəkdir.
Rusiyanın Azərbaycanlı Gənclər Birliyinin (RAGB) idarə heyətindən AZƏRTAC-a bildirmişlər ki, tədbirdə “CƏHƏNNƏMİ görmüş pilot” filmi nümayiş etdiriləcəkdir.
Filmdə Azərbaycanın Milli Qəhrəmanı Çingiz Mustafayevin Xocalı faciəsindən sonra çəkdiyi kadrlar nümayiş etdirilir.
Videoçəkilişlərin aparıldığı vertolyotun komandiri Leonid Kravets görüş iştirakçılarına müraciət edəcəkdir.
Tədbirdə Heydər Əliyev Fondunun vitse-prezidenti, RAGB-nin sədri Leyla Əliyeva, Azərbaycanın Rusiyadakı səfiri Polad Bülbüloğlu, Ümumrusiya Azərbaycanlılar Konqresinin prezidenti Məmməd Əliyev və digər rəsmi şəxslər iştirak edəcəklər.
Fəridə Abdullayeva
AZƏRTAC -ın xüsusi müxbiri
Moskva
Bölmənin digər xəbərləri
