“MÜLK” JURNALININ İLK NÖMRƏSİ ÇAPDAN ÇIXMIŞDIR
Jurnalın baş redaktoru Nəzifə Məmmədova AZƏRTAC-ın müxbirinə bildirmişdir ki, ayda bir dəfə 3 min nüsxə tirajla buraxılacaq jurnalın əsas vəzifəsi mənzilləri, kommersiya obyektlərini alıcıya əyani surətdə təqdim etmək, onlar barədə ətraflı məlumat verməkdir. Məlumatlar redaksiyaya tərəfdaşları - iri rieltor agentlikləri, habelə şəxsi elanlar vasitəsilə çatdırılır.
Jurnal alıcının obyektin xarici görünüşü, yeri, digər obyektlərdən fərqli cəhəti və onu təqdim edən şirkətin əlaqə telefonu ilə bağlı konkret suallarına cavab verir.
“Mülk” jurnalında “Köhnə tikililər”, “Yeni tikililər”, “Villalar”, “Bağ evləri”, “Torpaq sahələri”, “Kommersiya tipli daşınmaz əmlak”, “Kirayə”, “Regionlarda daşınmaz əmlak”, “Xaricdə daşınmaz əmlak” rubrikaları vardır.
