MUSİQİ SAHƏSİNDƏ ALMANİYA-AZƏRBAYCAN LAYİHƏSİ
“Sonor” müasir musiqi təşəbbüs mərkəzi Almaniyanın ölkəmizdəki səfirliyinin və “Kapellhaus” Almaniya-Azərbaycan mədəniyyət mərkəzinin köməyi ilə müasir Azərbaycan və alman musiqisinə dair layihəni həyata keçirməyə başlamışdır. Layihənin bədii rəhbəri gənc Azərbaycan bəstəkarı Elmir Mirzəyev və Almaniyanın tanınmış dirijorlarından olan Bernhard Vulfdur.
Almaniyanın Bakıdakı səfirliyindən daxil olmuş məlumata görə, bu layihədən əsas məqsəd müasir musiqinin problemlərini öyrənmək, ölkələrimizin musiqiçiləri arasında sıx əməkdaşlıq yaratmaqdır. Layihə çərçivəsində müasir Azərbaycan və alman musiqisindən ibarət iki konsert veriləcək, habelə alman musiqiçiləri Bernhard Vulfun və Yasuk Yamaquçinin mühazirələri təşkil olunacaqdır.
Bölmənin digər xəbərləri
