Mustafa Şəntop yenidən Türkiyə parlamenti sədrliyinə namizəd olacaq
Ankara, 20 iyun, AZƏRTAC
Hakim Ədalət və İnkişaf Partiyası (AKP) yenidən Türkiyə Böyük Millət Məclisinin (TBMM) sədri Mustafa Şəntopun bu vəzifəyə namizədliyini irəli sürəcək.
AZƏRTAC xəbər verir ki, bunu AKP-nin parlamentdəki qrup rəhbəri Naci Bostancı bildirib.
Qeyd edək ki, TBMM sədri bu vəzifəyə iki il müddətinə seçilir. Mustafa Şəntopun parlamentin sədri vəzifəsindəki müddəti başa çatdığı üçün Türkiyə Böyük Millət Məclisi öz rəhbərini yenidən seçəcək. Seçkilərində hakim partiya ilə bir ittifaqda iştirak edən Milliyyətçi Hərəkat Partiyası (MHP) parlament sədri vəzifəsinə namizəd irəli sürməyəcək. MHP-dən verilən məlumata görə, bu partiyadan olan deputatlar sədr seçkisində AKP-nin namizədini dəstəkləyəcəklər.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
