“NABUKKO” LAYİHƏSİ AVROPANIN ENERJİ MƏNBƏLƏRİNİN DİVERSİFİKASİYASI ÜÇÜN ÇOX ƏHƏMİYYƏTLİDİR
AZƏRTAC-ın xüsusi müxbiri xəbər verir ki, Avropa İttifaqının (Aİ) enerji məsələləri üzrə komissarı Andris Pielbaqs “New Europe” jurnalına müsahibəsində “Nabukko” layihəsinin Azərbaycan, Türkmənistan, İraq və Misirdən təbii qazın Avropa ölkələrinə nəqlində mühüm mərhələ olacağını bildirmişdir. O demişdir ki, Rusiya təbii qazının Avropaya nəqli bir sıra problemlərlə üzləşir. Bu, tranzit ölkələrlə bağlıdır. Qərb Belarus Prezidenti Aleksandr Lukaşenko ilə mövcud olan siyasi problemlər ucbatından Yamal-Avropa boru kəmərinə müsbət yanaşmır.
Rusiya təbii qazı üçün digər tranzit ölkə olan Ukraynanın isə Moskva ilə problemləri mövcuddur. Bu səbəbdən, “Nabukko” Avropa İttifaqı üçün enerji mənbələrinin diversifikasiyası baxımından olduqca əhəmiyyətlidir.
Aİ rəsmisi onu da əlavə etmişdir ki, “Nabukko” boru kəməri ilə İran təbii qazının nəqli yalnız rəsmi Tehranın nüvə proqramı ilə bağlı problemlləri həll etməsindən sonra mümkün ola bilər.
Andris Pielbaqs “Nabukko” və digər layihələrin reallaşması Trans-Ərəbistan qaz kəmərinin də bu ilin sonunadək tamamlanacağını söyləmişdir. Burada ən mühüm olanı Suriya ilə Türkiyə arasındakı boru xəttidir. Digər komponent isə İraqdakı zəngin Akkas qaz yataqlarıdır.
Bölmənin digər xəbərləri
