“NABUKKO” LAYİHƏSİNİN RƏHBƏRİ: CƏNUBİ OSETİYADA SİLAHLI MÜNAQİŞƏ QAZ KƏMƏRİNİN İNŞASINA TƏSİR GÖSTƏRMƏYƏCƏKDİR
AZƏRTAC xəbər verir ki, “Nabukko” layihəsinin rəhbəri Reynhard Mitçek Almaniyanın “Doyçləndradio” radiostansiyasına müsahibəsində bildirmişdir ki, Cənubi Osetiyada silahlı münaqişə qaz kəmərinin tikintisinin müddətinə təsir göstərməyəcəkdir. İnşaat işləri fasiləsiz aparılır.
Mitçekin sözlərinə görə, Qafqaz Avropaya qaz nəqlində mühüm rol oynayır. O demişdir: “Mərkəzi Asiya və Yaxın Şərq çox böyük təbii qaz ehtiyatlarına malik regionlardır, İran isə Rusiyadan sonra ikinci təbii qaz hasilatçısıdır”. Layihənin rəhbəri vurğulamışdır ki, Gürcüstan enerji daşıyıcılarının nəqli üçün çox mühüm tranzit ölkədir. Tədii qaz Türkmənistandan və Azərbaycandan Türkiyədən başlanacaq “Nabukko” qaz kəməri vasitəsilə Gürcüstan ərazisi ilə nəql olunacaqdır.
3,3 min kilometr uzunluğunda “Nabukko” qaz kəmərinin tikintisinə 2010-cu ildə başlanacaqdır.
Bölmənin digər xəbərləri
