NAR BAĞLARI GENİŞLƏNDİRİLİR
AZƏRTAC xəbər verir ki, Göycay narı keçmiş şöhrətini özünə qaytarır. Son illər rayonda şəxsi təsərrüfatlarda 1000 hektardan çox sahədə yeni bağlar salınmışdır. Bir çox yerlərdə cavan bağlar bar verməyə başlamışdır.
Rayonda fəaliyyət göstərən səhmdar cəmiyyətləri də məhsulu qəbul etməyə hazırlaşırlar. Konserv zavodunda əsaslı təmir işləri aparılmış, şirələrin qablaşdırılması və meyvə konsentratının hazırlanması üçün yeni texnoloji xətt quraşdırılmışdır. İtaliyanın və Avropanın digər ölkələrinin firmaları ilə məhsul ixracına dair müqavilələr imzalanmışdır. “Göycay-Süd” zavodunda Rusiya mütəxəssisləri tərəfindən quraşdırılmış texnolojı xətt nar şirəsi istehsalının həcmini, onun keyfiyyətini artırmağa kömək etmişdir.
Bölmənin digər xəbərləri
