NARKOTİK VASİTƏNİ KÖNÜLLÜ POLİSƏ TƏHVİL VERMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsinin qərb bölgəsində regional şöbəsi və Qazax Rayon Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində Çaylı kənd sakini Elnarə Xudiyeva 26,13 qram marixuananı könüllü olaraq polisə təhvil vermişdir. E.Xudiyevaya narkotik vasitəni satmış həmkəndlisi Məmməd Məmmədov tutulmuşdur.
Əzizbəyov Rayon Polis İdarəsinin 2-ci bölməsinin əməkdaşları Binə qəsəbə sakini, əvvəllər məhkum olunmuş Mehman Rufullayevdən 5,13 qram həşiş, Şirvan Şəhər Polis Şöbəsinin əməkdaşları şəhər sakini Vüqar Quliyevdən 0,191 qram heroin götürmüşlər.
Faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
