NAXÇIVAN MODUL TİPLİ ELEKTRİK STANSİYASININ TİKİNTİSİ SÜRƏTLƏNDİRİLMİŞDİR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Naxçıvan modul tipli elektrik stansiyasının tikintisində inşaat işləri böyük sürətlə davam etdirilir. Obyektdə özülqoyma işləri artıq başa çatdırılmışdır. Tüstü borularının, radiatorların və digər avadanlığın quraşdırılması isə yekunlaşmaq üzrədir. Ərazidə indiyədək beş ədəd 25 meqavatlıq transformator quraşdırılmışdır.
Elektrik stansiyasında quraşdırılmaq üçün lazım olan avadanlıq mərhələlərlə gətirilir. Quraşdırılacaq 10 generatordan 5-i artıq əraziyə çatdırılmışdır. Qalanlarının da noyabrın 15-dək gətirilməsi nəzərdə tutulur.
Modul stansiyanı qısa müddətdə tikib istifadəyə vermək hazırda inşaatçıların qarşısında duran ən mühüm vəzifədir.
Bölmənin digər xəbərləri
