Naxçıvanda 127 layihəyə 4,7 milyon manat güzəştli maliyyə dəstəyi göstərilib
Naxçıvan, 25 avqust, AZƏRTAC
Cari ilin yanvar–iyul ayları ərzində Sahibkarlığın İnkişafı Fondu tərəfindən sahibkarlara, ümumilikdə, 4,7 milyon manat güzəştli maliyyə dəstəyi göstərilib.
Naxçıvan Muxtar Respublikası İqtisadiyyat Nazirliyinin mətbuat xidmətindən AZƏRTAC-ın bölgə müxbirinə bildirilib ki, bu vəsait 127 layihənin maliyyələşdirilməsinə yönəldilib. Ötən ilin eyni dövrü ilə müqayisədə maliyyələşdirilmiş layihələrin sayı 31 faiz artıb.
Qeyd edilən dövr ərzində maliyyələşdirilmiş layihələrin 89,8 faizi, güzəştli kredit məbləğinin isə 61,1 faizi Naxçıvan şəhərindən başqa digər rayon və kəndlərdə fəaliyyət göstərən sahibkarlıq subyektlərinin payına düşüb.
Müxbir- Nail Əsgərov
Bölmənin digər xəbərləri
