NAXÇIVANDA QAZ-TURBİN STANSİYASI YOXLANILIR
“Azərenerji” ASC-nin mətbuat xidmətindən AZƏRTAC-a bildirmişlər ki, Naxçıvanda qaz-turbin stansiyasının vəziyyətini yoxlamaq məqsədi ilə cəmiyyətin ekspertlər qrupu muxtar respublikaya yola düşmüşdür.
“Babək” yarımstansiyasının yaxınlığındakı bu enerji obyekti dizel yanacağı ilə işləyir. Stansiya bu yaxınlarda italiyalı mütəxəssislər tərəfindən yoxlanılmış və onun faydalı iş əmsalı qənaətbəxş olmamışdır.
“Azərenerji” ASC hərəsi 16 MVt gücündə 4 blokdan ibarət qaz-turbin elektrik satansiyasının qazla işləməsi üçün tədbirlər görməlidir. Bütün bunlar Naxçıvan Muxtar Respublikasına qaz sabit qaydada verildikdən sonra mümkün olacaqdır. Azərbaycan Prezidenti İlham Əliyev və İran Prezidenti Seyid Məhəmməd Xatəminin görüşləri zamanı bu barədə razılıq əldə edilmişdir.
Naxçıvanda qaz-turbin stansiyasının istismara verilməsi muxtar respublikanın enerji təminatının əhəmiyyətli dərəcədə yaxşılaşmasına imkan yaradacaqdır.
Bölmənin digər xəbərləri
