Nazir müavini: Konstitusiyamız ötən 30 ildə çoxlu çağırışlardan keçə bilib
Bakı, 1 may, AZƏRTAC
Sevinirəm ki, Konstitusiyamız ötən 30 ildə çoxlu çağırışlardan keçə bilib. Eyni zamanda, cəmiyyətimiz də inkişaf edib.
AZƏRTAC xəbər verir ki, bunu Bakı Dövlət Universitetində keçirilən “Konstitusiya dövlətimizin müstəqilliyinin, suverenliyinin və ərazi bütövlüyünün qorunmasında mühüm hüquqi bazadır” mövzusunda elmi-praktiki konfransda maliyyə nazirinin birinci müavini Anar Kərimov deyib.
A.Kərimov qeyd edib ki, Konstitusiyamızda sosial-iqtisadi hüquqların əsasları təsbit olunub. O bildirib ki, Azərbaycan 30 ildə böyük inkişaf yolu keçib və çox vacib beynəlxalq müqavilələrə imza atıb: "Son dövrlərdə Azərbaycan Beynəlxalq Əmək Təşkilatı çərçivəsində olan konvensiyalara daha çox qoşulub. Bu konvensiyalarda əməyin mühafizəsi, qadınların bərabər əməkhaqqı alması çox vacib öhdəliklər kimi əks olunub. Qeyd etmək istəyirəm ki, pandemiyadan sonra ardıcıl olaraq bizi Nyu-Yorka BMT-nin Sosial Komissiyasına dəvət etdilər. Bildirdilər ki, Azərbaycanın əldə etdiyi nailiyyətlər hesabat şəklində təqdim olunsun. Bizim pandemiya ilə bağlı təcrübəmiz digər ölkələrdə və Şərqi Avropada qabaqcıl təcrübə kimi qiymətləndirilir. Hesab edirəm ki, bunlar nailiyyətimizdir və bizi sevindirir".
Bölmənin digər xəbərləri
