“Neftçi” klubu baş icraçı direktoru ilə yollarını ayırıb
Bakı, 31 may, AZƏRTAC
“Neftçi” klubu baş icraçı direktoru Fərrux Mahmudovla yollarını ayırıb.
AZƏRTAC xəbər verir ki, bu barədə funksioner sosial şəbəkə hesabında məlumat verib.
“Bu gün “Neftçi”nin baş icraçı direktoru vəzifəsində sonuncu günümdür. Klub ilə qarşılıqlı razılıq əsasında yollarımızı ayırdıq. Bu şərəfli, eyni zamanda, məsuliyyətli yolun bir parçası olmaqdan qürur duyuram.
Bu müddət ərzində qarşıya qoyulan məqsədlərin hamısını reallaşdıra bilməsək də, əsaslı və perspektivli işlərə imza atdıq. Göz qabağında olmayan bu işlərlə böyük bir dövrün, böyük bir dəyişikliyin təməlini qoyduq.
Hər kəsə - komanda yoldaşlarıma, futbolçulara, həmkarlara, azarkeşlərə təşəkkürümü bildirir, “Neftçi”yə uğurlar, layiq olduğu yerlər və parlaq nailiyyətlər arzu edirəm”, - F.Mahmudov bildirib.
Bölmənin digər xəbərləri
