Neftin qiyməti müxtəlif istiqamətlərdə dəyişmişdir
Bakı, 17 may (AZƏRTAC). Dünya bazarlarında “qara qızıl”ın qiyməti müxtəlif istiqamətlərdə dəyişmişdir.
AZƏRTAC “Bloomberg” agentliyinə istinadla xəbər verir ki, Nyu-Yorkun “NYMEX” (New York Merchantile Exchange) birjasında “Layt” markalı neftin bir barrelinin qiyməti 1,81 dollar azalaraq 97,59 dollar, Londonun İCE (İnterContinental Exchange Futures) birjasında keçirilən hərraclarda “Brent” markalı neftin bir barrelinin qiyməti isə 0,44 dollar artaraq 114 dollar olmuşdur.
Azərbaycan Respublikası Dövlət Neft Şirkətinin Marketinq və İqtisadi Əməliyyatlar İdarəsindən bildirmişlər ki, ötən gün “Azəri Layt” markalı neftin bir barreli isə London birjasında 0,60 dollar artaraq 117,17 dollara satılmışdır.
Bölmənin digər xəbərləri
