Neftin qiyməti son 18 ilin minimumuna enib
Bakı, 15 aprel, AZƏRTAC
Dünya birjalarında xam neftin qiyməti son 18 ilin minimumuna düşüb.
AZƏRTAC xəbər verir ki, buna səbəb Beynəlxalq Enerji Agentliyinin (IEA) “OPEC+” üzrə neft hasilatının azaldılmasına dair tarixi razılaşmaya baxmayaraq, cari ildə tələbatın rekord səviyyədə azalacağını açıqlamasıdır. Belə ki, “Light” markalı neftin qiyməti 2002-ci ildən bəri ən aşağı səviyyəyə enib. Hazırda “Light” markalı neftin bir barreli Nyu-Yorkun NYMEX birjasında 19,54 dollara satılır. “Brent”in bir barreli isə Londonun ICE birjasında 28,34 dollara alıcı axtarır.
Xatırladaq ki, neftin qiyməti cari ilin əvvəlində 70 dollar/barrel, martın əvvəlində isə 50 dollar/barreldən çox olub.
Bölmənin digər xəbərləri
